بعد هيهات ماأتوالم وياك
مثل نار ورق صرنة سوية
واذا كلمة أحب بلساني تندار
ألك حق العتب أعتب عليه
وأذا جفي الك مديتها بشوكَ
مو جفي اكَص أثنين أديه
وأذا كَلبي يحن راح أقسي وياه
أظل بلا كَلب أحسن اليه
اي صح انت عندي الوطن ونّاس
ومن غيرك أظل بلا هويه
وصحيح الصوج بيك وماكَلت بيك
مو بيك الغلط خليته بيه
بس مهما يكن هم عندي أحساس
مشاعر أمتلك هم شاعريه
ومن حقي احس وياك بالشوكَ
وتشعرني بحنان وجاذبيه
لتخلي الظنون تعتعت الروح
واشك بيك انه أظل والنار بيه
بس يال الأسف مهما أحجي وياك
كل كلمة تصفها بسوء نيه
تعبت من الحجي من العتب واللوم
خسرتك بالنهايه وهاي هيه
ـــــــــــــ
منقول
تحيآتي
موضوع: خســــــرتــــك بالنهــــايـــــه وهـــاي هــــيه 
